Yn
Archifau Morgannwg gallwn eich helpu i ddeall ychydig
mwy am hanes y sir, lle’r ydych yn byw, eich
cyndeidiau sydd wedi byw yn yr ardal, a llawer o agweddau
eraill ar hanes Morgannwg. Mae ein cofnodion yn cynnwys
gwybodaeth am bob math o bobl sydd wedi byw ym Morgannwg
- o aelodau blaenllaw y gymuned i weision a phobl
dlawd.
Mae’r
dogfennau gwerthfawr hyn yn unigryw a digymar, a
chaiff cofnodion eu derbyn a’u gosod mewn
ystafelloedd storio sydd wedi’u rheoli’n
amgylcheddol. Archifwyr sy’n cyflawni’r
gwaith catalogio. Mae’r uned Gadwraeth yn
gofalu am gadw’r casgliadau drwy drwsio dogfennau
a rheoli’r ystafell ddiogel.
Mae
ein hystafell chwilio yn cynnwys man i edrych ar ddogfennau
gwreiddiol a darllenwyr microffilm a microfiche. Mae
ein catalogau a mynegeion ar silffoedd agored ac mae
aelod o staff wrth law bob amser i ateb cwestiynau
a rhoi cyngor i ymchwilwyr.
Cyflawnir
hyn gyda thîm o 18 aelod o staff, yn cynnwys
6 archifydd a gwarchodwr. Gellir canfod rhagor o
wybodaeth am staff Archifau Morgannwg yn 'Pwy ydym ni?''
