Swyddi gwag

There are currently no vacancies at Glamorgan Archives

Os oes gennych ddiddordeb mewn bod yn archifydd neu’n warchodwr, neu eisiau treulio rhywfaint o’ch amser sbâr yn cynorthwyo yn yr Archifdy, beth am i chi drefnu profiad gwaith neu wirfoddoli gyda ni?

Lleoliadau Profiad Gwaith

Disgyblion ysgol, myfyrwyr prifysgol ac athrawon sy’n dod i’r Archifdy ar leoliadau profiad gwaith fel arfer. Mae lleoliadau profiad gwaith yn gyfle i weld sut beth yw gweithio mewn archifdy awdurdod lleol. Gallwch gysgodi gwaith aelodau o staff, gweithio ar ymholiadau a dysgu am wahanol agweddau ar weithio ym maes archifau, fel cadw a gwarchod deunyddiau archif, rhestru a mynegeio cofnodion, ateb ymholiadau gan y cyhoedd a rheoli cofnodion. Rydym hefyd yn trefnu lleoliadau ar gyfer athrawon lleol sydd am gael profiad o amgylchedd gwaith y tu hwnt i’r ystafell ddosbarth, ac eisiau cyfnod estynedig i ffwrdd o’r ysgol i wneud gwaith ymchwil a datblygu cynlluniau gwaith a phecynnau adnoddau ar gyfer dysgu. Os oes gennych ddiddordeb, gofynnwch i wasanaethau gyrfa eich ysgol i gysylltu â ni, neu cysylltwch â ni eich hun.

Gwirfoddoli

Os ydych chi’n gallu gwirfoddoli’n rheolaidd am ddiwrnod cyfan, bore neu brynhawn bob wythnos, rydym yn cynnig profiad ymarferol o waith archif neu waith cadw.

Mae gwirfoddolwyr yr Archifdy yn cynnwys myfyrwyr prifysgol ynghyd â phobl sydd wedi ymddeol sydd ag amser i’w roi i helpu’r Archifdy, gan ategu gwaith y staff drwy’u gwybodaeth leol neu sgiliau arbennig. Ar hyn o bryd, mae ein gwirfoddolwyr yn gweithio ar brosiectau yn cynnwys creu cronfa ddata electronig o gynlluniau adeiladu Cyngor Dosbarth Gwledig Caerdydd a mynegeio cofrestri llongau Porthladd Caerdydd.

Cymerwch gipolwg ar ‘Broffiliau Gwirfoddolwyr' yn ein cylchlythyron diweddar.

Cysylltwch â ni os oes gennych chi ddiddordeb mewn dod i’r Archifdy ar brofiad gwaith neu fel gwirfoddolwr