Ar hyn o bryd, mae ein catalog electronig yn cynnwys dros 123,000 o gofnodion, ac mae’n cael ei ddiweddaru’n rheolaidd gyda rhagor o fanylion am y casgliadau a’r eitemau yr ydym yn eu cadw, sy’n cynnwys dros 800 mlynedd o hanes Morgannwg.

Chwilio trwy’r Catalog(yn agor mewn ffenestr newydd)

Noder mai dim ond yn adeilad Archifdy Morgannwg y gellir gweld y catalog hwn ar hyn o bryd, er ein bod yn gweithio i roi fersiwn ohono ar y rhyngrwyd.
Gallwch hefyd chwilio trwy ddisgrifiadau o gasgliadau a gedwir yn Archifdy Morgannwg, yn ogystal â chasgliadau archifdai ac archifau eraill yng Nghymru, ar wefan Archifau Cymru. Os byddwch yn dod o hyd i rywbeth o ddiddordeb, gallwn ddarparu gwybodaeth fanylach ar gais:

Archifau Cymru (yn agor mewn ffenestr newydd)

Chwilio trwy ein Catalog

Defnyddio’r bocs chwilio AnyText

I ddod o hyd i gofnodion sy’n cynnwys gair penodol e.e. parish, teipiwch y gair hwnnw yn y bocs chwilio AnyText a chliciwch y botwm chwilio (“Search”). Noder mai dim ond cofnodion Cymraeg sydd wedi’i catalogio yn y Gymraeg; mae pob eitem arall wedi’i chatalogio yn y Saesneg.

Gallwch hefyd chwilio am gyfres o eiriau neu gymal penodol. Yn gyntaf, teipiwch eich term yn y bocs chwilio AnyText, yna:

• i ddod o hyd i gofnodion sy’n cynnwys cymal penodol e.e. parish register, dewiswch y botwm Word Options PHRASE cyn clicio’r botwm chwilio

• i ddod o hyd i gofnodion sy’n cynnwys naill ai’r gair parish neu’r gair register, dewiswch y botwm Word Options OR cyn clicio’r botwm chwilio

• i ddod o hyd i gofnodion sy’n cynnwys y geiriau parish a register ond mewn unrhyw drefn, dewiswch y botwm Word Options AND cyn clicio’r botwm chwilio.

Cofiwch roi cynnig ar amrywiadau o’ch geiriau chwilio e.e. parish, parishes. Fel arall, defnyddiwch seren (*) i ddynodi nod-chwiliwr a chael mwy o ganlyniadau; er enghraifft:

• bydd teipio parish* yn dychwelyd cofnodion sy’n cynnwys y geiriau “parish”, “parishes” neu “parishioner”.

Defnyddio Document Reference neu Date

Gallwch ddefnyddio’r meysydd hyn os ydych yn gwybod cyfeirnod y casgliad neu’r eitem yr ydych yn chwilio amdani, neu os ydych yn chwilio am ddeunydd sy’n dyddio o gyfnod penodol.

Gallwch hefyd gyfuno meysydd i greu chwiliad mwy penodol. Er enghraifft, os ydych am ddod o hyd i gofnodion sy’n cynnwys gair penodol ac sy’n dyddio o gyfnod penodol, cwblhewch y maes AnyText a’r maes Date, dewiswch y botwm Field Options AND, ac yna cliciwch y botwm chwilio. Mae defnyddio OR yn eich galluogi i ddod o hyd i gofnodion sy’n cynnwys eich term chwilio neu sy’n dyddio o’r cyfnod dan sylw.

Er y bydd y dull hwn yn culhau eich canlyniadau, hwyrach y byddwch yn methu deunydd perthnasol nad yw’n dod o fewn ffiniau eich meini prawf, felly ceisiwch gadw’ch chwiliad yn eang ar y dechrau.

Canlyniadau Chwilio
Gallwch drefnu canlyniadau eich chwiliad trwy glicio ar bennawd colofn, fel “Date” neu “Title”. Yna, gallwch weld rhagor o wybodaeth am eitem benodol trwy glicio ar “View”. Ar ôl dod o hyd i eitem rydych chi am ei gweld, gallwch lenwi slip archebu dogfen i wneud cais am yr eitem honno.

Methu dod o hyd i’r hyn yr ydych yn chwilio amdano?

Mae’r gwaith o greu’r gronfa ddata yn dal i fynd rhagddo a chaiff ei diweddaru’n rheolaidd i ymgorffori catalogau ychwanegol wrth iddynt gael eu paratoi i’w cynnwys.

Os na allwch ddod o hyd i’r hyn yr ydych yn chwilio amdano, gofynnwch i aelod o staff am gymorth.           

Search Catalogue (opens in new window)