Unigolion
a sefydliadau preifat
Yn gyntaf, cysylltwch â ni ar e-bost, drwy’r
post, ar y ffôn neu’n bersonol i drafod y
cofnodion dan sylw. Bydd hyn yn sicrhau eu bod yn cydymffurfio
â’n ‘Polisi Casglu’. Os oes angen,
gallwn drefnu i archifydd ddod i edrych ar y cofnodion
ac, os gallwn eu derbyn, drefnu i’w cludo neu’u
casglu. Gallwn hefyd awgrymu sefydliadau eraill os na
allwn ni eu derbyn.
Gellir cyflwyno cofnodion i’r Archifdy mewn nifer
o ffyrdd.
Fel rhodd,
lle mae perchnogaeth y deunydd yn cael ei drosglwyddo
i Gydbwyllgor Archifau Morgannwg ar ran ei awdurdodau
cyfansoddol.
Drwy
gyflwyno, lle’r ydych yn cadw perchnogaeth yr eitemau
dan sylw. Mae’r rhai sy’n cyflwyno cofnodion
yn dod i gytundeb gyda’r Archifdy ynglyn â
defnyddio, storio a chadw’r eitemau hyn. Mae’r
cytundeb hwn wedi’i amlinellu yn ein dogfen bolisi
‘telerau cyflwyno’.
Awdurdodau
lleol
Mae’r Archifdy yn derbyn cofnodion sydd wedi’u
dewis ar gyfer eu cadw’n barhaol gan ein hawdurdodau
cyfansoddol.
Pa
gofnodion awdurdodau lleol y dylid eu trosglwyddo i’r
Archifau Morgannwg er mwyn eu cadw’n barhaol?
Os ydych yn credu bod gennych gofnodion sy’n
addas ar gyfer eu trosglwyddo i’r Archifdy, cysylltwch
â ni ar e-bost, drwy’r post neu ar y ffôn.
Yna gallwn drafod yr eitemau dan sylw, a threfnu ymweliad
ar gyfer eu gwerthuso, os oes angen.
Gallwch hefyd gysylltu â Rheolwr Cofnodion/Gwybodaeth
eich Awdurdod Lleol a fydd efallai wedi pennu gweithdrefnau
ar gyfer trosglwyddo cofnodion.
Gellir
trefnu ymweliadau a hyfforddiant i staff Awdurdodau
Lleol
Yn
ôl i’r brig
