Gellir llungopïo llawer o ddogfennau gwreiddiol, ond rydym yn cynnig gwasanaeth ffotograffiaeth ddigidol os nad yw dogfennau’n addas ar gyfer eu llungopïo, er enghraifft, tudalennau o gyfrolau wedi’u rhwymo. Ni fydd dogfennau’n cael eu copïo ar unrhyw ffurf os yw’r gwreiddiol yn rhy fawr neu mewn cyflwr bregus. Rydym yn gallu ailgynhyrchu tudalennau cyfrifiad 1841-1901, a llungopïau o gofrestri plwyfi Esgobaeth Llandaf. Mewn rhai achosion rydym yn gallu darparu printiau o luniau negatif a gedwir yn Archifau Morgannwg.

Archifydd Morgannwg fydd yn penderfynu a ellir copïo neu dynnu llun o ddogfen ym mhob achos.

Archebu eich copïau drwy’r post

Mae’n rhaid cwblhau a llofnodi ffurflen archebu cyn y derbynnir archeb.

Lawrlwythwch ac argraffwch y ffurflen archebu (isod) – byddai’n ddymunol cael y ddwy ochr gefn wrth gefn (trwy ddefnyddio Adobe Acrobat).

Darllenwch y datganiad hawlfraint yn ofalus cyn ei lofnodi.

Llofnod gwreiddiol yn unig, anfonwch drwy’r post i’r cyfeiriad ar ein tudalen 'Ble rydym ni'.

Taliad mewn punnoedd yn unig. Yn anffodus nid ydym yn gallu derbyn sieciau o fanciau y tu hwnt i Brydain, na thaliadau gyda chardiau credyd/debyd.